Зошто е многу важно, најважно, да ја изберете вистинската хостинг услуга, вистинскиот хостинг сервис, за вашата веб страна или веб страната на вашиот клиент?

Статистиката покажува дека 35,2% од сите веб страни работат на WordPress платформа, односно 60% од сите веб страни кои се направени со CMS (content management system). Слободно може да се каже дека WordPress е водечка CMS платформа и со се поголема употреба во секоја година, реални шанси дека некој ќе го превземе приматот не постојат. (Позначајни веб страни кои работат на WordPress: Whitehouse.gov, Sony Mobile, University of Washington, Mercedes Benz, TechCrunch, The New Yorker итн.)

Без разлика дали сте фриленсер, компанија или некој што едноставно сака да има блог, хостингот на кој ќе „постои“ вашата веб страна игра огромна улога во читаноста, задржувањето на клиентите / посетителите / читателите на самата веб страна како и продажбата ако се работи за е-продавница (e-shop). Со добра оптимизација и добар хостинг сервис, направени се истражувања кои покажуваат дека продажбата може да се покачи до 16.5% затоа што корисничкото искуство на самата веб страна е задоволително односно подобро од претходната состојба.

Брзината, стабилноста, сигурноста – директно влијаат на корисничкото искуство на посетителот / клиентот, а со тоа и на продажбата (ако се работи за е-продавница) и задржувањето на посетителот на самата веб страна.

За да ја разбереме разликата помеѓу Стандарден и Managed WordPress hosting накратко ќе ги опишеме главните карактеристики на двата типа на услуга како и табеларно ќе ви ги прикажеме главните карактеристики кои ги имаат.

Стандарден Веб Хостинг?

Што се подразбира под „стандарден веб хостинг“? Постојат илјадници компании кои ја нудат оваа услуга и во суштина се оние стандардни хостинг услуги односно типови на сервери кои се нудат на кои можете да ја поставите, прикачите вашата веб страна: Заеднички (Shared), Виртуелен Приватен Сервер (VPS – Virtual Private Server) и Дедициран (Dedicated) сервер.

• Shared – сервер чии ресурси (CPU, RAM …) заеднички се користат од повеќе веб страни, стотици, илјадници. Во реалноста овие сервери се најефтини, со најмалку ресурси и често се преоптоварени со корисници па затоа и е тип на сервер односно хостинг услуга која е најнеквалитетна во смисла на перформанси.
• VPS – ова е Level UP од Shared тип на сервер. VPS серверот е дел од физички сервер со дедицирани ресурси само за вас. Потребни се одредени технички познавања за одржување на овој тип на сервер, но за да ги добиете максималните перформанси треба многу повеќе од „познавање“.
• Dedicated – физички сервер, поставен во некој Data Center чии ресурси ви се комплетно на располагање. За одржување на овој тип на сервер се потребни напредни технички познавања.

За да го постигнете она што „Managed WordPress Hosting“ тип на услуга може да ви го овозможи треба да бидете експерт, да имате професионални познавања и искуство, нешто што обичен корисник го нема, а на компанија би и било огромен финансиски товар!

Сликовито, разликата помеѓу стандарден и менаџиран WordPress хостинг е како да имате смарт телефон, со одредени ресурси (CPU, RAM, HDD) и на него имате инсталирано повеќе оперативни системи како Android, iOS, а вие секогаш (100%) користите само еден од нив, со што во секој момент постојат ресурси резервирани за оној кој не го користите, со што добивате на располагање само дел од она што мислите дека го имате или сте го закупиле.

Managed WordPress Hosting

Пред неколку години, поради огромниот удел што WordPress го завзема во делот на платформи за веб страни, се појави и овој тип на услуга, односно Managed WordPress hosting.

Што значи Managed WordPress Hosting?
Во кратки црти значи, комплетна оптимизација на самиот сервер за беспрекорна подршка на WordPress платформата. Добивате најдобри перформанси (брзина, стабилност, безбедност) кои што неможете да ги имате на стандарден хостинг.

Под максимална, комплетна оптимизација, се подразбира дека сите сервиси, апликации, кои постојат на серверот исклучиво се наменети и сетирани само за WordPress платформата. 

Позади овој тип на услуга постојат професионалци, кои знаат што WordPress „сака“ и побарува, и коишто знаат да ги одстранат сите грешки и проблеми кои би ги имале евентуално во иднина.

Со овој тип на услуга Вие неморате да се грижите за техничките подесувања на серверот, ниту пак за проблемите кои евентуално би се појавиле, едноставно се грижите за содржината и бизнисот кој го имате.

На „пазарот“ на хостинг услуги, овој тип на хостинг е поскап од 4-10 пати од стандардниот хостинг, затоа и го нема како услуга во Македонија, или пак е премногу скап. ХибридХостинг е нова компанија која се занимава само со овој тип на услуга, и истата ја нуди по цени пониски или слични на стандардниот хостинг. Едни од подобрите кои го нудат овој тип на хостинг услуги се Кинста, погледнете ги цените и услугите кои тие ги нудат и споредете ги со нашите. Ве уверуваме дека нашиот „продукт“ многу добро им парира во смисла на перформанси, во однос на цената сме непобедливи!

Веб страна хостирана на стандарден хостинг, мигрирана на „managed WordPress hosting“ на сервер со исти спецификации функционира околу 50% побрзо. Како што напоменавме и погоре, статистиките покажуваат дека со ова се зголемува и продажбата (ако се работи за е-продавница за 16.5%) и посетителите се задржуваат подолго на вашата веб страна, патем тоа е и главна цел на секој кој има веб страна.

Хардверот на кој „возат“ нашите сервери е моментално број #1 во хостинг индустријата. Втора генерација на AMD EPYC процесори и NvME ssd дискови, хардвер кој можете да го најдете само кај најскапите хостинг компании.

Заклучок

Без дилема, Managed WordPress Hosting е услуга која секој би ја посакал. За да ја добиете истата на стандарден хостинг треба да сте професионалец за „хостинг сервери“ и да губите време за да го одржувате сето тоа. Но затоа сме тука ние со нашите услуги. Хибрид Хостинг ќе ви го овозможи сето тоа по цена како за стандарден хостинг.

Технички Карактеристики (Only for WordPress Geeks 🙂 )

Табеларен приказ на Стандарден Vs Managed WordPress hosting (разлики и предности)

[wptb id=216524]

Основна поддршка која Хибрид Хостинг ја овозможува:

• Бесплатна миграција
• Беспрекорна брзина на вашата веб страна
• Стабилност и сигурност
• Бесплатен web-fix на вашиот WordPress при евентуални проблеми, грешки при инсталација на плагини и сл.
• Бесплатно одклонување на вируси, хак и сл.
• Бесплатна оптимизација по потреба или на одреден период кога сметате дека има некој проблем
• Бесплатни советодавни услуги
• Сакате да имплементирате одредена функционалност – не знаете како – ние сме тука за Вас!

СОРАБОТКА

Покрај услугите кои ги нудиме и се достапни за сите физички и правни лица во Македонија, нудиме и специјална соработка со Web Design, Web Developer компании и freelancer-и кои имаат за цел да им пружат најдобро искуство на своите клиенти!

Ние не нудиме обичен продукт, ние нудиме комплетна партнерска соработка, комплетно одржување и грижа за Вас и за вашите клиенти!

Контактирајте не на [email protected]